TERESA DE CALCUTA, GUARANI ÑE'ÊME

TERESA DE CALCUTA, GUARANI ÑE’ÊME

Ohai: David Galeano Olivera

Leer original (hacer clic) en: http://dgaleanolivera.wordpress.com/teresa-de-calcuta-guarani-neeme/

 

Agnes Gonxha Bojaxhiu, ojekuaavéva Teresa de Calcuta ramo, heñoiva’ekue ára 26 jasypoapy ary 1910-pe, táva Skopje (Skopie), ko’áĝa oîva Macedonia retâme. Tupârembiguái ojapóva India-gui hetâ mokôiha. 12 ary ombotýrôguare oike Congregación Mariana de las Hijas de María-pe, upépe oñepyrûraka’e oipytyvô umi oikotevêvévape. Agnes Gonxha Bojaxhiu, más conocida como Teresa de Calcuta, nació el día 26 de agosto de 1910, en la ciudad de Skopje (Skopie), actual República de Macedonia. Religiosa que optó por la India como su segunda patria. A los 12 años ingresó en la Congregación Mariana de las Hijas de María, donde empezó su actividad de ayuda a los más necesitados.

Teresa de Calcuta

 

18 ary ombotýrôguare oheja hetâ ha ohókuri táva Dublin, Irlanda retâme, ha upépe oike Congregación de Nuestra Señora de Loreto-pe. Oikoségui tupârembiguáirô India-pe, osê oho Bengala-pe ha upépe oñemoarandu mbo’ehararâ ha oiporavo héra pyahurâ: Teresa. Ombo’ejepékuri St. Mary’s High School, Calcuta-pe, ary 1948 peve. Upe arýpe Tupâo ruvicha Roma-pegua omoneî imba’ejerure ha upe guive oñepyrû omba’apo umi imboriahuvéva apytépe. Al cumplir 18 años abandonó su patria y viajó a la ciudad de Dublín, en Irlanda, donde ingresó a la Congregación de Nuestra Señora de Loreto. Como quería ser sierva de Dios en la India, embarcó hacia Bengala, donde cursó estudios de magisterio y eligió el nombre de Teresa. Ejerció como docente en el St. Mary’s High School, de Calcuta, hasta el año 1948. Ese año obtuvo la autorización de Roma para dedicarse a los más pobres.

Ary 1950-pe Teresa de Calcuta omoheñóikuri pe aty hérava Congregación de las Misioneras de la Caridad, omboajeva’ekue ary 1965-pe Túva Marangatu Papa Pablo VI. Umi oikéva ko atýpe ombojoapy iñe’ême’ê jepiveguápe peteî mba’eve: omba’apo ha oipytyvôvetaha umi imboriahu apîvape ha pya’eterei oñemopyenda hikuái India tuichakue javevépe ha haimete 100 tetâme ko yvy apére. Teresa de Calcuta omba’apo avei membykua ha tekojuka ñembotovépe, omoirûvo Túva Marangatu Juan Pablo II remiandu moañetépe. En el año 1950 Teresa de Calcuta fundó la Congregación de las Misioneras de la Caridad, aprobada en el año 1965 por el Santo Padre Papa Pablo VI. Las integrasantes a esta congregación, sumaban a los votos tradicionales el de la dedicación a los “más pobres de entre los pobres”, logrando un rápido arraigo en toda la India y en casi 100 países del mundo. Teresa de Calcuta se movilizó contra el aborto y la eutanasia, apoyando la doctrina del Santo Padre Juan Pablo II.

Juan Pablo II ha Teresa de Calcuta

 

Ary 1972-pe, Teresa de Calcuta ohupytýkuri jopói guasu hérava Premio de la Fundación Kennedy, ha ary 1979-pe oñeme’êkuri chupe Premio Nobel de la Paz, ha pirapire upéva rehegua ha’e ome’êmbaitékuri umi imboriahúvape. Ary 1986-pe oĝuahê hendápe Juan Pablo II, Nirmal Hidray térâ Korasô Marâ’ŷ Rógape, ha’e omoheñóiva Calcuta-pe ha ojekuaavéva Omanombotaitéva Róga ramo. Ipahápe, Teresa omanókuri, táva Calcuta-pe, ára 5 jasyporundy ary 1997-pe, korasô mba’asýgui. En el año 1972 Teresa de Calcuta recibió el Premio de la Fundación Kennedy, y en el año 1979, el Premio Nobel de la Paz, cuya aporte económico ella donó a los pobres. En el año 1986 recibió la visita de Juan Pablo II en Nirmal Hidray o Casa del Corazón Puro, fundada por ella en Calcuta y que fue más conocida como la Casa del Moribundo. Finalmente, Teresa falleció en la ciudad de Calcuta, el día 5 de septiembre del año 1997, víctima de un paro cardíaco.

 

 

23 PREGUNTAS – 23 PORANDU

TERESA DE CALCUTA

1- Cuál es el día mas bello? – hoy

1- Máva pe ára iporâvéva? – Ko ára

2- Cuál es la cosa mas fácil? – equivocarse

2- Mávapa pe mba’e hasy’ivéva? – Javy

3- Cuál es el obstáculo mas grande? – El miedo

3- Mávapa pe mba’e hasyvéva? – Kyhyje

4- Cuál es el mayor error? – Abandonarse

4- Mávapa pe jejavy tuichavéva? – Rejehejarei ndejupe

5- Cuál es la raíz de todos los males? – El egoísmo

5- Mávapa opaite mba’e vai rapo? – Chentesereko

6- Cuál es la distracción mas bella? – El trabajo

6- Mávapa pe mba’e ñanembopy’aroryvéva? – Mba’apo

7- Cuál es la peor derrota? – El desaliento

7- Mávapa pe tekombotapykueha? – Ñeñandu’i

8- Quiénes son los mejores profesores? – Los niños

8- Mávapa umi mbo’ehára ikatupyryvéva? – Mitâmimi

9- Cuál es la primera necesidad? – Comunicarse

9- Mávapa pe tekotevê peteîha? – Ñomongeta

10- Qué es lo que hace mas feliz? – Ser útil a los demás

10- Mávapa pe mba’e ñanembovy’apavêva? – Ñepytyvô ambuépe

11- Cuál es el misterio mas grande? – La muerte

11- Mávapa pe mba’e hekopytûvéva? – Mano

12- Cuál es el peor defecto? – El mal humor

12- Mávapa pe tekomarâ ivaivéva? – Ay

13- Cuál es la persona mas peligrosa? – La mentirosa

13- Mávapa pe tekove hekoñañavéva? – Pe ijapúva

14- Cuál es el sentimiento mas ruin? – El rencor

14- Mávapa pe mba’e’andu iky’avéva? – Py’aro

15- Cuál es el regalo mas bello? – El perdón

15- Mávapa pe jopói iporâvéva? – Ñyrô

16- Qué es lo mas imprescindible? – El hogar

16- Mávapa pe temikotevê tuichavéva? – Ogapy

17- Cuál es la ruta mas rápida? – El camino recto

17- Mávapa pe tape ipya’evéva? – Tape ikare’ŷva

18- Cuál es la sensación mas grande? – La paz interior

18- Mávapa pe mba’e’andu tuichavéva? – Py’aguapy

19- Cuál es el resguardo mas eficaz? – El optimismo

19- Mávapa pe mo’âha hekoañetevéva? – Tekokyre’ŷ

20- Cuál es la mayor satisfacción? – El deber cumplido

20- Mávapa pe tekombohoryha tuichavéva? – Mba’e apopyre porâ

21- Cuál es la fuerza mas potente del mundo? – La fe

21- Mávapa pe mba’e ipu’akapáva ko yvórape? – Jerovia

22- Quiénes son las personas mas necesarias? – Los padres

22- Mávapa umi tekove ñaikotevêvéva? – Tuvakuéra

23- Cuál es la cosa mas bella de todas? – El amor

23- Mávapa pe mba’e iporâvéva opaitéva apytépe? – Mborayhu

 

ooo000ooo

 

Rehendusérô 23 porandu Teresa de Calcuta mba’e, ehesakutu ko’ápe: http://www.youtube.com/watch?v=_SmzoI3KuEY

 

ooo000ooo

 

Rehendusérô Teresa de Calcuta-pe oñe’ê jave, ehesakutu ko’ápe: http://tu.tv/videos/entrevista-a-la-madre-teresa-de-calcuta_6