Blogia
Guarani

PRIMAVERA - ARAYVOTY

ARAYVOTY – PRIMAVERA

Ohai: David Galeano Olivera

Leer original (hacer clic) en: http://cafehistoria.ning.com/profiles/blogs/primavera-arayvoty

Leer también en: http://dgaleanolivera.wordpress.com/primavera-arayvoty/

 

            El 21 de setiembre es el día en que empieza la PRIMAVERA y que nos asocia igualmente a un tiempo en el cual todo se renueva; incluídos la esperanza, la alegría y el amor. Tiempo de hermosas y coloridas flores; tiempo del sol radiante y del cielo azul y limpio; que nos anuncian días alegres y rejuvenecidos. Es también el DIA DE LA JUVENTUD y el DÍA DE LA PAZ. Definitivamente es una fecha muy grata para todos. 21 jasyporundy jave niko oike ARAYVOTY, ha hendive oñepyrû ára opa mba’e oñembopyahuhápe; umíva apytépe: temira’ârô, vy’a ha mborayhu. Opa henda rupi ipoty yvoty iporâporâvéva ha isa’yrorýva; kuarahy ojajaihápe ha yvága hovy asy ha ipotîháme; ohenonde’áva ára rory ha hekopyahujeýva. Pe árape ojegueromandu’a avei MITÂRUSU ÁRA ha PY’AGUAPY ÁRA. Amo hapópe, kóva niko peteî ára ñanembopy’arorýva opavavetépe.

 

 

¡FELIZ PRIMAVERA – VY’APAVÊ ARAYVOTÝRE!

 

ooo000ooo

 

PRIMAVERA
Emiliano R. Fernández mba’e

 
Tañatôi che mbaraka
la seis cuerda tambopu
peñemboja lo mitâ

enteroite pehendu

 

Péina hasýpe oĝuahê
Ku tiempo-mi iporâitéva
Yvypórape guive
Omombáy ombyetia’éva

 

Setiembre oĝuahê vove
Ipotypa ka’aguy,
Guyrami opa laya-ite
opurahéi ojeroky

 

Yvytumi oipeju
ne korasô ombovy’a

Jaimimígui ogueru

Umi mba’e ryakuâ porâ

 

La divina creación
Kuarahy ohesape

Oñ-adorna en perfección

Primavera oike vove

 

Iporâ ku ko’êju

Rehecha pytângymi

Hakykuéri ndepeju

Ho’ysâva yvytumi

 

Péva pe hora ogueru

Ilaya’ŷva vy’a

O-goza la juventud

El "eden" oje’eha

 

Omimbi pe kuarahy

Sus rayos en la inmensidad

Ojajaipa ojeroky

Ogueru felicidad

 

Asaje katu reho

Umi ysyry resêgui
Ojuhu ne korasô

Contenta vida feliz

 

Upérupi rehendu

Los conciertos estremecidos

Ne memoria-pe ogueru

Los otros tiempos floridos

 

Upéramo el sufrimiento

Ne korasôgui ojei

Rehendu los dulces acentos

O-entona guyramimi

 

Resê ku ka’aru lado

Isla costa-re re-corre

Rehendu desconsolado

Hasê asy korochire

 

Sapy’apy’a ombohovái

Mba’embyasýpe ichupe

Ha’eñomi ndovy’ái

Oje-queja el kogoe

 

Resêgui ñu rembe’y

Azucena ipotypa

De tres colores ipoty

Primavera ombojegua

 

O-chifla ku tataupa

Ochochomba aka’ê

Charáta ijayvujoa

Ku sŷiha chiripepe

 

Oĝuahê ku pytûmby

Un tranquilo pyhare

Oñembo’e chesyhasy

Bendito Dios ha oke

 

Upevovénte osê

lporâitéva jasy

Rema’êmívo hese

Nde py’a ombopiro’y

 

La esperanza he’iha

Upérô reha’ârô

Yvágare remaña

Ha’e vaicha oguereko

 

Un seguro pensamiento

Pe ne akâme reheja

Reha’ârô todo tiempo

Umíva laya vy’a

 

Adiós tiempo juvenil

Que los futuros espera

Adiós fragante pensil

De la hermosa primavera

 

 

 

ooo000ooo

 

 

PRIMAVERA II

Emiliano R. Fernández mba’e

 

Ohasa tiempo ro’y

Primavera oĝuahê

Ñu ka’aguy o-florece

Hokypa i-verde asy

Palo blanco ha tajy

Mombyrýgui jahecha

Ka’aguy oñuâmba

Hechapyrâva yvoty

 

Yerbas arbustos y flores

Entero ipotyjera

Yvotyty jahecha

Con exquisitos primores

Bellos aspectos encantadores

Kóva ko tiempo ogueru

Ko’e jave ñahendu

Himno de aves cantores

 

Campichuelo-pe resê

Hovyûmba rejuhu

Ka’aysáre ñahendu

Umi pykasu rasê

Churiri ha pitogue

La novia pepo asa

Ñande ári ohasa

Bandada pyku’ipe

 

Kokuerépe ñahendu

Sarîa oñe’ê ypa

Ñandu guasu omburea

Ha o-ronca ñakurutû

Pe javoráire jaku

Ayvumiéma ojapo

Pépe oñe’ê chiriko

Tataupa ha’e mytû

 

Mbokaja ipotýva

O-adorna kokue rape

Pindo rakâre opepe

Tu’î ha marakana

Opurahéi ñakyrâ

O-anuncia sandia aju

Yvapovô ha yvaviju

Tape ykére okukuipa

 

Oĝuahêvo ka’aru

Poniente-pe ema’êmi

jahecha jasy pyahu

Ikarapâ po’imi

Estrella entero omimbi

Jepiguágui iporâve

Siete cabrilla ojere

Oĝuahêvo ko’êtî

 

Ko’êmba vove ñasê

Ja-cruza umi vecinda

Ñahetû umi reseda

Ha umi rosa pytâite

Jahechaseveseve

Umi huerta florecida

Rosa jazmín morotîva

Ndaho’i pe hyakuângue

 

Ehendu PRIMAVERA II opurahéiva Lizza Bogado ko’ápe (http://www.youtube.com/watch?v=3cN-zUMuy4U&playnext=1&list=...)

 

 

ooo000ooo

 

ARAYVOTY

Ohai: David Galeano Olivera

 

Péinama oĝuahê ára iporâitéva

Kuarahy osê omimbi ojajái

Yvága hovy ha ipotî asy

Ápe ha pépe araimimi ou ha oho

 

Ñane korasô vaicha horyvéva

Pukavy pa’ûme japáy ñapu’â

Ñe’ê roryetépe ñamomaitei ára porâite

Oñepyrûháme ñaha’ârôitéva Arayvoty

 

Ñaimo’âvoínte ipyahujeýva ñande rekove

Py’arory, mborayhu, tetia’e

Jerovia, pukavy ha vy’apavê

Omokunu’û asy ñane korasô

 

Yvotyetaita ombojeguaka ñande rekoha

Guyramimi purahéi rory ñanembovy’a

Yvytu piro’y ombohetia’e ñande rekove

Ñaimo’âvoi vy’apavête ojehaitypóva oparupirei

 

Péicha iko’ê ára porâite ha ijojaha’ŷva

Oñepyrûháme arayvoty ha mitârusu ára

Ñande Ru ome’êva opa tapichápe

Ikatu haĝua jagueroayvu imba’eporâ

 

Che rapichakuéra, jahecharamóke Arayvoty

Ha mba’e porâita hese ae ñande’aho’íva

Ani jaheja ñaña, mba’epota térâ pokarê

Oity ojuka piro’y ha ára pyahu arayvoty oguerúva

 

Tajy sa’yju

 

¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres