MODESTO ROMERO CUETO PRESENTÓ SU CD GUARANIETÉPE

MODESTO ROMERO CUETO PRESENTÓ SU CD GUARANIETÉPE 

En la fecha, sábado 6 de noviembre de 2010, a las 10:30 horas, tuvo lugar la ceremonia de presentación del CD GUARANIETÉPE, de la autoría del Dr. Modesto Romero Cueto. El acto se realizó en la Sede Central del ATENEO DE LENGUA Y CULTURA GUARANI, en la Ciudad de Fernando de la Mora.

Omoñepyrûkuri pe aty Mbo’ehára Pablino Gómez Gómez ha upéi oñe’êkuri ATENEO rérape Mbo’ehára David Galeano Olivera. Upe rire oikéma katu Mbo’ehára Modesto Romero Cueto ha ojapókuri Jagua Rekove pehênguemi. Opávo upéva, Mbo’ehára Angel Antonio Gini Jara, ñe’êporavopyre rupi, omomaitei Mbo’ehára Modesto-pe ha ohenonde’a mokôi puraheihára katupyrýpe: Carlos Agustín Rodríguez Báez ha César Romero ohendukáva purahéi rory porâ, umíva apytépe, “Nde resa kuarahy’âme”. Ha’ekuéra opuraheipávo, ojupijey Mbo’ehára Modesto Romero Cueto ohendukávo ñe’êpoty “Yvoty”, mombe’ugua’u “Luisô”, ñe’e’asa “Toryjára”; ha ipahápe, ojapo ñoha’ânga’año “Che ra’y”.

Upéi Mbo’ehára Angel Antonio Gini Jara ojerurékuri Mbo’ehára Modesto-pe oguapy, ohendu ha ohecha haĝua Temimbo’e Luque-gua (Patricia, Valeria ha Rosa) opurahéirô chupe “Regalo de amor”. Mbohapyve rire, ojupíkuri kuñakarai Teresita Pesoa ha he’i peteî ñe’êpoty. Upéi katu ojupíkuri Mbo’ehára Lucino Rodríguez Baroffi avei peteî ñe’êpotýre. Ipahaitépe, Florencio López, Luque-ygua, ohendukákuri peteî ñe’êpoty ha’e ojapova’ekue.

Péicha ojehecharamo Mbo’ehára Modesto Romero Cueto-pe ha upekuévo ojegueromandu’a Mbo’ehára Pedro Moliniers-pe ha’eva’ekue iñirûngue ñoha’ângápe ha Guarani ñe’ê myasâime.

Los interesados en adquirir el CD Guaranietépe pueden llamar al teléfono (línea baja) 021-607884 o al celular 0981-429781.

ATENEO DE LENGUA Y CULTURA GUARANI omoĝuahê heta vy’apavê Mbo’ehára Modesto Romero Cueto-pe hembiapo porâitáre ha ko’ê ko’êre tomba’apo py’arorýpe Guarani ñe’ê rayhupápe.

Maitei horyvéva opavavépe

 

David Galeano Olivera

(ATENEO Motenondehára)

[e-mail]

[e-mail]

 

 

Pablino Gómez ha David Galeano Olivera

 
 

  

Pablino Gómez he’i jave iñe’êpoty "Mbo’ehára"

 

  

Modesto Romero Cueto ojapo jave "Jagua rekove"

 
 

  

Angel Antonio Gini Jara ha Modesto Romero Cueto

 
 

  

Carlos Agustín Rodríguez Báez ha César Romero opurahéi jave "Nde resa kuarahy’âme"
 

 

Modesto Romero Cueto ojapo jave iñoha’ânga’año "Che ra’y"

 
 

 

Ijatyva’ekue I

 
 

 

Ijatyva’ekue II

 
 

 

Temimbo’e Luque-gua (Valeria, Rosa ha Patricia) opurahéi jave "Regalo de amor"

 

Teresita Pesoa he’i jave peteî ñe’êpoty

Lucino Rodríguez Baroffi he’i jave Zenón Bogado ñe’êpoty

Florencio López he’i jave iñe’êpoty

David Galeano Olivera, Pedro Escurra, Angel Gini, Pablino Gómez, Teresita Pesoa, Modesto Romero Cueto, Paublino Carlos Ferreira, Lucino Rodríguez Baroffi ha Salomón Melgarejo